Regarder des milliers de films gratuitement

videos.musiquekabyle.fr

 

 

Hommage au Grand chanteur Slimane Azem. Tajmilt i dda Sliman

122 Vues

  • Merci ! Partagez avec vos amis !

    Vous avez aimé cette vidéo, merci de votre vote !

admin
Published
Tajmilt i Dda Sliman AZEM

Aɣriv

Yugi zzher ula cituḥ
Iseqqa-yi-d si tiden yeḥfan
Ixef-iw zzman ur as-icuḥ
S tderray ifadden kfan
Di lγerva tudert i truḥ
Si tmurt asmi iyi-d-nfan
Γef wul-iw neflen leğruḥ
D aγriv ttwakksen izerfan
Nectaq avziz n lfuruḥ
A widen εzizen γef rruḥ
Reglen-d avrid imeεfan
Akka iggra-d a Muḥ a Muḥ
Dayen yura deg uṣenduḥ
Yefruri wayla-w d iceqfan

Saḥa di lweqt aɣeddar
Yekksen i yizmawen ayla
Ass-a ggran-d di tɣemmar
D iwtal i yeddmen lɣella

Mebla levɣi ffɣeɣ tamurt
Tuffɣa-w ur tesεi tuɣalin
Fell-i mi i d-medlen tawwurt
Am win iwumi rran timedlin
Ɣef yigenni-w tsenna tagut
Hemmleɣ kkiɣ timdinin
Ẓriɣ amur-iw dayen ifut
Yedda d tarzeft i lesnin
Ɣurwat a tarwa cfut
Ɣef umezruy d tedyanin
Smuɣret azal n tkatut
Ad tt-ferzem tid i aɣ-yerwin
Ma ulac ad tegzer tatut
Azẓar yesuṭuḍen tudrin

D acu i d ssebba n yiniɣem
Init-aɣ-id amek akka
Lvaz imi yeggugem
Isɣan sɣamen-d i tferka

Wehmeɣ di ssebba ur telli
Mlet-iyi-d a wid yeẓran
Ayen akka i terram tili
Ayen i tesnusum itran
Tɣunzam iṭij ad d-yeflali
I tidet tɣezzem deg yifran
Amgud thuvam-t i tmuɣli
Tcarem-tt fell-as s yimegran
Tamurt tḥucem-tt irkelli
Timsengert tennul akk igran
Timerzuga lḥentit d ilil
Tesseggram-asent s qeḍran
Ḥess-d tura keč ay Aqvayli
Ur zgal tardast ɣef yiẓuran

Terwi tebbarwi
Ay aɛessas n tala
Tugi ad temsawi
Neḥder i ujrad mi tt-yexla

Tesmareḍ-d i yidles s tugta
D awezɣi ad ak-yesfeḍ zzman
Ayen ɣef i tecniḍ s umata
I teqvaylit iger-d inegman
Tveddeḍ d aɣrav i tkufta
N widen yettrebbin izerman
Ur tekniḍ i ddel d lmerta
Xas ibbub leɛtav yiman
Deg wakud tezzuzreḍ tikta
Imɣi-nsent yefta
Tajmilt i keč a Dda Sliman
Teğğiḍ-d agerruj i tsuta
Tettak-it ta i ta
Sgunfu ay aɣriv di laman...UVELLIL
Catégories
Musique kabyle
Soyez le premier à commenter cette vidéo.