Regarder des milliers de films gratuitement

videos.musiquekabyle.fr

 

 

Bouhi Abdelkader - Tagarfa d wuccen

93 Vues

  • Merci ! Partagez avec vos amis !

    Vous avez aimé cette vidéo, merci de votre vote !

admin
Published
TAGARFA D WUCCEN
***************************

Yiwen wass tella tgarfa
Tress ɣef ttejṛa
Afeṛmaj deg uqemmuc-is
Uccen tewweṭ-it rriḥa
Tamεayt theyya
Iwakken ad yekkes cceṛ-is

Ṣṣbaḥ lxir a tagarfa
A tin yifen taninna
I yettzuxxun s zzin-is
Lqedd d zzin d ṣṣifa
Rricc-im d aberkan yeṣfa
Ttejṛa yecbeḥ yiciṭ-is
Mennaɣ deg-m lheḍṛa
Neɣ ula azuḥ n taḍsa
Tasekkurt ad yeḥzen wul-is

Tagarfa ur tεeṭṭel ara
Γef temεayt ay tesla
La teldi deg uqemmuc-is
Afeṛmaj yewweṭ ar lqaεa
Si Mḥend bu tḥila
Dayen yeččur aεebbuṭ-is
Imi kem-nerra d lalla
Tin ur tt-nestahel ara
Tamεayt-a teswa lḥeqq-is

Tagarfa la tefferfer
Deg yigenni teεjel
Teẓra yeqqeṛs ssuq-is
Uccen deg ubrid ikemmel
Wissen anda yehmel
Ṛebbi i iεelmen s ubrid-is

Tamεayt-ayagi i d-nexdem
Γef tgarfa d wuccen
D lεebd i iteddun s lqis
Lεebd i yellan d lfahem
Iteddu d wid i iqefzen
Ur yettweddir lḥeqq-is (anda iruḥ yesεa lεic-is)

Ur zmiren ara t-kellxen
Neɣ ad as-tt-sxedmen
Wala ad as-kksen Tamaziɣt-is (ḥaca ma iεemmed i yiman-is)
Meyyez kan deg wuccen
S lehḍuṛ d lmeεna i icebḥen
Deg yigenni yejbed-d lεic-is
Soyez le premier à commenter cette vidéo.