Regarder des milliers de films gratuitement

videos.musiquekabyle.fr

 

 

AMENṬAS M ARA AYEḤSEL SLIMANE AZEM PAROLES (Layrics)

41 Vues

  • Merci ! Partagez avec vos amis !

    Vous avez aimé cette vidéo, merci de votre vote !

admin
Published
Amenṭas mi ar a yeḥṣel
Ma tjebḍeḍ-t-id a d-yenṣel
Ma teǧǧiḍ-t mačči a d-yekkes
Abuqal mi ar a yenɣel
Ma trefdeḍ-t-id s laɛqel
Ad tafeḍ ulac degs
Akkenni mmi-s n laṣel
Xas yefhem, yetɛeqqel
Ttaḍsan laɛwayer degs

Lɛilem n leǧnas yulli
Inuda-d akk igenni
Ula d-agur leḥqen ɣur-s
Nekkni neksa am ulli
Amzun kra ur yelli
Win id yussan ad aɣyelles
Mi nesɛa argaz n lɛali
Ma yebded atneseɣli
Ma yesɛa lhiba attyekes

Amenṭas mi ar a yeḥṣel
Ma tjebḍeḍ-t-id a d-yenṣel
Ma teǧǧiḍ-t mačči a d-yekkes
Abuqal mi ar a yenɣel
Ma trefdeḍ-t-id s laɛqel
Ad tafeḍ ulac degs
Akkenni mmi-s n laṣel
Xas yefhem, yetɛeqqel
Ttaḍsan laɛwayer degs

Yeḥzen lbaz la yettru
Yessiɣrit bururu
A cettḥen igarfiwen
Tɣaḍ-iyi ttejṛa l-leḥlu
Mi i tt-yetthuzzu waḍu
Tesseɣlay deg wafriwen
Yeǧǧa-tt lexrif d unebdu
Ccetwa la d-teddu
Tettewḥac ideflawen

Amenṭas mi ar a yeḥṣel
Ma tjebḍeḍ-t-id a d-yenṣel
Ma teǧǧiḍ-t mačči a d-yekkes
Abuqal mi ar a yenɣel
Ma trefdeḍ-t-id s laɛqel
Ad tafeḍ ulac degs
Akkenni mmi-s n laṣel
Xas yefhem, yetɛeqqel
Ttaḍsan laɛwayer degs

Yettuɣaḍ zzeṛb n ukaṛmus
Mi a tqesden s lmus
Ad yuɣal akkw d aɛemmuṛ
Mačči d zzhaṛ ay d amekḥus
Neɣ d tamussni ay nxuss
Bbway garanaɣ i nemḍur
Ayen iḍran yidnaɣ drus
Imi ssegnaɣ afus
Am ttejṛa yegzem ucaqur

Amenṭas mi ar a yeḥṣel
Ma tjebḍeḍ-t-id a d-yenṣel
Ma teǧǧiḍ-t mačči a d-yekkes
Abuqal mi ar a yenɣel
Ma trefdeḍ-t-id s laɛqel
Ad tafeḍ ulac degs
Akkenni mmi-s n laṣel
Xas yefhem, yetɛeqqel
Ttaḍsan laɛwayer degs

Lḥaqq ma ifat yedderγel
Xas qezzeb naγ fiḥel
Akkenni txedmeḍ yenqes
Ur yettdummu ara lbaṭel
Xas yerna ad iɛeṭṭel
Yibbwas labudd ad yekkes
Cebhi-yas kan deg wedfel
Mi ar yebzuzi s laɛqel
Alamma yefsi weḥdes

Amenṭas mi ar a yeḥṣel
Ma tjebḍeḍ-t-id a d-yenṣel
Ma teǧǧiḍ-t mačči a d-yekkes
Abuqal mi ar a yenɣel
Ma trefdeḍ-t-id s laɛqel
Ad tafeḍ ulac degs
Akkenni mmi-s n laṣel
Xas yefhem, yetɛeqqel
Ttaḍsan laɛwayer degs
Catégories
Musique kabyle
Mots-clés
slimane azem, 2023, 1983
Soyez le premier à commenter cette vidéo.