Musique kabyle
Bienvenus
Connexion / S'enregistrer

Tamettant n matub lwennas - La mort de matoub lounès

Merci ! Partagez avec vos amis !

URL

Vous avez aimé cette vidéo, merci de votre vote !

Sorry, only registred users can create playlists.
URL


Ajoutées by Moh de Musique kabyle
19 Vues

Description

Tudert ulac wi tt_ikerhen

Asiwem n lmut d akukru

Ur yerri aḍar asmi i t_wwten

Ɣef tmaziɣt ur yeqbil kennu

Ad immet ɣef ayen i gettxmmim

Wala teweser deg_usu ad yeqim

Yextar ad imsalam dlḥaq

Iḍaq wul yebɣa adiṭerḍaq

Mi d_immekta lwennas yectaq

------------------------------------------------------

Ma yella yakan win ur nessin Lounès, asmi ara yedlu ɣef wayen yecna d wayen yesɛedda n lḥif ad as-yini amdan-agi yedder azal n 100 n yiseggasen. Amek ihi, ur iwehhem ara umdan ɣef ugerruj i d-yeǧǧa ɣas akken yemmut d ilemẓi ! Ulac tamsalt ur yesqerdec, ulac taluft yekbel, yeskfel-d akk ayen akken izedren. Amennuɣ-is d aɣenja di tasilt, yessali-d kullec

TAMEDDURT ƔEF DDA LWENNAS :

Lwennas Meɛṭub ilul deg 24 yennayer 1956 di taddart n tewrirt n Mussadi Tmurt n leqbayel. Mi yessiweḍ tesɛa n isegassen deg lɛemer-is ixedm-d snitra-s tamezwarut akk-d ccnawi-s imezwura. Tarmit-is tasertayt, tadelsant, akk-d tugna-s tebda s ifukal ger leqbayel akk-d iɛsekriyen n wanabad n Ledzayer deg 1963-1964. Deg 1968 Anabad n Ledzayer yesseɣser-d asertay n useɛreb n Imaziɣen; Meɛtub yeḥbes-d leqraya-ines kra n iseggasen mbeɛd yunag ɣer Fransa.

Lwennas Meɛṭub yebda ccna deg ddunit n uẓawan s talilt n uccenay aqbayli Idir; deg l'album amezwaru-ines "Ay, Izem!" deg 1978, yiwen si gar 36 deg tuddert-is merra, yella d asmures ameqqran deg tmurt n yiqbayliyen.

Lwennas Meɛṭub ixdem-d abaraz amezwaru-ines deg Yebrir 1980 di lweqt n Tefsut Tamaziɣt imi agdud aqbayli ibed mgal anabad n dreɛ n Ledzayer. Aẓawan-is d asserwi n Cceɛbi s uẓawan amaziɣ ; idrisen-ines heddren ɣef tamurt n imaziɣen, tilelli, tugdut, tayri, nnfu, timektit, amezruy, lehna, akk-d izerfan n yemdanen; ihedr-ed ɣef ayen yellan, ayen yelhan neɣ yerkan, deg tudert n medden merra.

*USSAN INEGGURA* :

25 yunyu 1998 azal n 12:30 n tmeddit, takarust n Meɛṭub tettwaḥbes ɣef rrif n webrid; bu tmegrad deg Tala n Wunnan , u yiwen wergaz ur nettwassen ara, yenɣa Meɛṭub, ijreḥ tlata n tilawen i llant yid-es; tamettut-is Nadia Matoub akked snat n yessetmas i yettagh lhal iwe3ditent ad tent-yawi gher Tizi Wezzu . Akken kan, azal n sin neɣ tlata n swayɛ mbeɛd, tamgert n Meɛṭub thuz tamurt n leqbayel merra imi aṭas n medden i t-iḥemlen; ilulufen n lɣaci fɣen ɣef iberdan n ttnaddin “Anabad Aqettal!”. Sebɛa n wussan n ccwal iǧehden snuhzen tamurt merrra; ilemẓyen nnuɣen mgal tamsetla, zedmen ɣef izdaɣen akk d wayla n unabad. Deg 28 n Yunyu 1998 ilulufen n lɣaci ḥedren ussan-ed ɣef timeqbert n taddart-is am akken a t-ẓren ɣef tikkelt taneggarut as-fken tanemmirt akken ilaq lḥal.

Tamgert n Meɛṭub tedra yiwet n ddurt aqbel anabad n Ledzayer yesɛedda lqanun i menɛen tamaziɣt s imukan n lbaylek; Meɛṭub yella d afernan iǧehden mgal lqanun-agi.
Meɛṭub Lwennas nɣan-t iɛdawen n tudert amedyaz, d acennay ameqqran, d win yefkan udem yelhan i ccna n yiqbayliyen, daɣen d ameɣnas ameqqran n tmaziɣt d tugdut, yefka fell-asent ula d idammen-is; yella mechur deg ddunit merra imi iqerreb-ed aṭas n medden s imeslayen akk-d lecɣal-is.

Deg useggas mbeɛd lmut-is, asunded meqqren iḥebs-d Tizi Wezzu imi ilulufen n lɣaci fɣen-ed ɣef izenqan ad sskan belli ur ttun ara Meɛṭub. L BBC (“tudsa n tifeffaɣt n tmurt n Legliz”) txebber-ed belli aḥric ameqqran n lɣaci lumen anabad n Ledzayer ɣef lmut-is ur qeblen ara tamacahutt n unabad i qqaren belli d tagmat n yinsleman i t-inɣan.
Azal n 20,000 n lɣaci fɣen-ed ɣef izenqan deg useggas wis tlata n temgert-is.
Sin iberdan deg timdinin n Grenoble akk-d Lyon, tamurt n Fransa, ttusemman ɣef Meɛṭub Lwennas.

Tawacult-is txelq-ed yiwet n tudsa (Tundsa n Mɛṭub Lwennas) iwakken ad seɣlin tafat ɣef ssiba n temgert-is akk-d ad rnun lǧehd-nsen i wid yettnaɣen ɣef izerfan n yemdanen merra.

Aḥric ameqqran n tudert-is Meɛṭub yella d argaz urmid n izerfan n wegdud aqbayli, tugdut, akk-d tilelli; ɣas akken wid yerkan ttqelliben amek ara t-susmen, imi nɣant, Meɛṭub deg wulawen n wegdud-is mazal yedder.
Akyafu rebbi fellak ay izem nneɣ...

----------------------------------------
_Dfer-aɣ di_ :
*Asevtar n FB* : Aderyan Unsiv
https://www.facebook.com/Aderyan-Unsiv-691447461226766/
*Adeg* : http://aderyan.ga/
*Anermis* : aderyanunsiv@gmail.com

Ajouter un commentaire

Connectez-vous ou inscrivez-vous pour poster un commentaire.

Commentaires

Soyez le premier à commenter cette vidéo.
RSS